Enti duit bepenyampau RM2.6 billion nya udah dipasukka ke dalam akaun enggi Menteri Besai Najib Razak nya endang ditagaka ke guna parti UMNO, nama kebuah sapit presiden parti UMNO Muhyiddin Mohd Yassin tau enda nemu pasal duit nya?
Jaku tanya tu udah dipansutka sehari tu ari sapit presiden PKR Rafizi Ramli ti nyadika respon iya ngagai penerang ari pengarah Komunikasyen strategic BN Abdul Rahman Dahlan ti mansutka penerang lebuh iya ditanya dalam program TV pasal penyelai pemayuh duit pemeri ke guna politik ti masuk ke dalam akaun PM nya.
… Rafizi mega mantah jaku Abdul Rahman ti madahka duit ngemayuh nya udah diguna dikena ngerebut pulai semua menua ti benung dikuasa parti penyakal ba bepilihbesai nyin kemari …
Iya mega madahka enti setengah ari penyampau nya udah dikena maya bepilihbesai suba, tentu penyampau nya lebih ari RM200,000 ti dikemendarka ke guna kerusi-kerusi parlimen, nitihka undang-undang pengawa bepilihbesai.
“Reti nya semua pengari BN udah ngelanggar undang-undang bepilihbesai ba pengawa bepilihbesai ke-13 nyin kemari, lalu kerusi ti dimenang sida nya salah ba undang-undang memagang,” ku iya.
Aruh ya ga PM udah ngena timpuh maya ti kelalu lama sebdau iya mansutka ‘dalih’ ti udah dipansutka bala orang kanan iya baka sida Abdul Rahman Dahlan.
Semua dalih pasal pemeri nya dikena nyaut jaku tanya nya nyau majak nyungkak mayuh agi jaku tanya ari ti meri saut, lalu diatu jaku tanya nya nyau majak ngerembai di serata menua Malaysia.
Kitai tu dipadahka duit ti nyampau nya “pemeri ari orang ti enda dikelala”; duit nya udah dipasukka mgagai akaun enggi PM, lalu ukai “ke guna iya nengali” lalu diatu dikena melanja kimpin bepilihbesai ngarika BN.
Tang bala kaban BN ke bukai, nyengkaum Tun Dr Mahathir empu, madahka dalam undang-undang-undang parti politik, semua macham duit pemeri enda tau dipasukka sengapa ke dalam akaun enggi pengerusi kediri, lalu pengawa bekenaka duit nya patut dikereja tiga iku ti udah dipaduka parti sida nyadika orang ti tau sain melanjaka duit nya – Pengerusi, Sapit Pengerusi enggau Tukan Wang sida.
Tang ba pekara tu, Sapit Pengerusi UMNO empu udah madahka diri enda nemu sebarang utai pasal duit pemeri ti ngemayuh nya.
Bekual enggau tatak belanja ti dikena maya bepilihbesai, sekeda ari bala penyukung Najib nguji madahka duit nya nadai betatak dikena, enti sema duit nya dipelanja DI LUAR maya bepilihbesai lalu, kenu ku sida nambah, tu mih maya endur duit ti belaluh beratus-ratus ribu juta dollar ngelui ari tatak belanja nya disadang udah disadung-sadung.
Tang Najib disadang udah nerima duit ngemayuh nya kena 21hb enggau 25hb Mach 2015 – Parlimen dipadamka kena 3hb April. Baka ni PM nya ulih melanjaka duit ngemayuh nya atas nama UMNO dalam kandang semina lebih seminggu?
Engka nya kebuah PM udah nguna maya lebih sebulan sebedau iya mansutka dalih-dalih ti enda ulih diterima akal nya. Simpul iya, iya enda ulih meri dalih ti manah agi.
Tang jaku ambu iya ti maadahka Sarawak Report nadai kala ngeluarka dokumen ti udah dikachau tauka dibali. Ke bendar iya, Najib udah belabuh bejalaika atur nangkap lalu ngejil semua pemesai penerit undang-undang ti udah niriska resia pengawa dagang nya madahka media entarabansa diatu udah belabuh ngumbai menua Malaysia nya menua ti bepenemu kasar – reti nya undang-undang menua enda ulih dikena enggau chara ti patut sereta betul agi.